కనిగిరిలో మహాలక్ష్మి అలంకరణలో శ్రీ మహా సరస్వతీ అమ్మవారు

దసరా నవరాత్రి ఉత్సవాల్లో భాగంగా పంచామృత అభిషేకం, ప్రత్యేక పూజలు

కనిగిరి: దసరా నవరాత్రి మహోత్సవాల్లో భాగంగా కనిగిరిలోని కేటీఆర్ టెక్నో స్కూల్ ప్రాంగణంలో ఉన్న శ్రీ లక్ష్మీ నరసింహస్వామి దేవాలయంలో శనివారం శ్రీ మహా సరస్వతీ అమ్మవారికి పంచామృత అభిషేకం, ప్రత్యేక పూజలు నిర్వహించారు. ఈ సందర్భంగా అమ్మవారిని మహాలక్ష్మి అలంకరణలో అలంకరించగా, భక్తులకు దర్శనమిచ్చారు. అనంతరం కుంకుమార్చన నిర్వహించారు.

నవరాత్రి ఉత్సవాల్లో భాగంగా ఆలయంలో నిర్వహించిన ప్రత్యేక పూజల్లో భక్తులు పాల్గొని అమ్మవారిని దర్శించుకుని మొక్కులు చెల్లించుకున్నారు.

ఈ కార్యక్రమంలో దేవస్థానం కమిటీ అధ్యక్షుడు కుందురు తిరుపతి రెడ్డి, శారద దంపతులు, రత్నారెడ్డి, మాధవి దంపతులతో పాటు పలువురు భక్తులు పాల్గొన్నారు.