గ్రాడ్యుయేట్ ఎమ్మెల్సీ ఓటరు నమోదుపై దృష్టి పెట్టాలి
- నవంబర్ 6 చివరి తేదీ.. అర్హులైన ప్రతి గ్రాడ్యుయేట్ ఓటు నమోదు చేసుకోవాలి
సంస్థాన్ నారాయణపురం, యాదాద్రి భువనగిరి జిల్లా | అక్టోబర్ 22 | ఎన్ టుడే న్యూస్: నల్గొండ–వరంగల్–ఖమ్మం గ్రాడ్యుయేట్ ఎమ్మెల్సీ ఓటరు నమోదు ప్రక్రియకు నవంబర్ 6 చివరి తేదీ కావడంతో అర్హులైన గ్రాడ్యుయేట్లు త్వరితగతిన తమ పేర్లను నమోదు చేసుకోవాలని జిల్లా కాంగ్రెస్ నాయకుడు ముందుగుల బాలకృష్ణ కోరారు.
సంస్థాన్ నారాయణపురం మండలంలోని కాంగ్రెస్ పార్టీ కార్యాలయంలో ఆయన మాట్లాడుతూ, డిగ్రీ పూర్తి చేసి మూడేళ్లు గడిచిన వారు గ్రాడ్యుయేట్ ఎమ్మెల్సీ ఓటరు నమోదుకు అర్హులని తెలిపారు. అర్హులైన ప్రతి ఒక్కరూ తమ ఓటు హక్కును వినియోగించుకునేలా గడువులోపు నమోదు ప్రక్రియను పూర్తి చేసుకోవాలని సూచించారు.
ఈ కార్యక్రమంలో జిల్లా నాయకులు ఏపూరి సతీష్, మాజీ సర్పంచ్ కొండ్రెడ్డి నరసింహ, సీనియర్ నాయకులు రాచకొండ రమేష్ బాబు, గుత్త శేఖర్ రెడ్డి, బద్దుల యాదగిరి, యూత్ కాంగ్రెస్ ప్రధాన కార్యదర్శి ఉప్పల నాగరాజు, కొండ నవీన్ గౌడ్, ఉప్పల రాజయ్య, జక్కల యాదయ్య, వడ్డేపల్లి శివప్రసాద్, బానోత్ కిరణ్, మెగావత్ గణేష్ తదితరులు పాల్గొన్నారు.
