టీడీపీకి రాజీనామా చేసి వైసీపీలో చేరిన హనుమంతాపురం నాయకులు

కనిగిరిలో డాక్టర్ దద్దాల నారాయణ యాదవ్ ఆధ్వర్యంలో పార్టీ కండువాలు కప్పి ఆహ్వానం

కనిగిరి: హనుమంతునిపాడు మండలం హనుమంతాపురం గ్రామానికి చెందిన టీడీపీ నాయకులు నాగూరి కోటయ్య, బెల్లంకొండ రంగనాయకులు, సలికినీడి ఆమోసు శుక్రవారం సాయంత్రం వైఎస్సార్ కాంగ్రెస్ పార్టీలో చేరారు. కనిగిరిలోని వైసీపీ కార్యాలయంలో నియోజకవర్గ ఇన్‌చార్జి డాక్టర్ దద్దాల నారాయణ యాదవ్ ఆధ్వర్యంలో ఈ చేరికలు జరిగాయి.

ఈ సందర్భంగా దద్దాల నారాయణ యాదవ్ పార్టీ నాయకులు, కార్యకర్తల సమక్షంలో వారికి వైసీపీ కండువాలు కప్పి పార్టీలోకి ఆహ్వానించారు. పార్టీ బలోపేతానికి, రాబోయే ఎన్నికల్లో విజయానికి అందరూ కలిసికట్టుగా పనిచేయాలని ఆయన సూచించారు. పార్టీలో చేరిన నాయకులకు సముచిత స్థానం కల్పిస్తామని భరోసా ఇచ్చారు.

ఈ కార్యక్రమంలో యక్కంటి శ్రీనివాసుల రెడ్డి, గాయం బలరామిరెడ్డి, గాండ్లపర్తి ఆదినారాయణ రెడ్డి, చిట్యాల విజయభాస్కర్ రెడ్డి, మద్ది తిరుపతయ్య, సానికొమ్ము మధుసూదన్ రెడ్డి, వేసుపోగు గురుప్రసాద్, కస్థాల బాలాజీ, దిరిశనం పిచ్చిరెడ్డి, మల్లెల వెలుగొండయ్య, కేతబోయిన వెంకటకాశయ్య, కాటినేని కృష్ణామాచారి తదితర పార్టీ నాయకులు, కార్యకర్తలు పాల్గొన్నారు.