www.ntodaynews.com
ఐసీడీఎస్ బాల రక్షణ శాఖకు అప్పగింపు
తెలంగాణ
నడవలేని స్థితిలో ఉన్న బాలుడిని ఐసీడీఎస్ బాల రక్షణ శాఖకు అప్పగింపు
NTODAY NEWS: బీబీనగర్ ప్రతినిధి – బాల్ద భాస్కర్ కురుమ
కొండమడుగు మెట్టు సమీపంలో అంగవైకల్యం కలిగిన ఓ బాలుడిని గుర్తుతెలియని వ్యక్తులు వదిలివెళ్లిన ఘటన కలకలం రేపింది. వంటిపై గాయాలతో నడవలేని స్థితిలో ఉన్న బాలుడిని గమనించిన గ్రామ యువకులు భాను, వీరేష్ వెంటనే గ్రామ ఉపసర్పంచ్ అరిగే శ్రీధర్కు సమాచారం అందించారు.
సమాచారం అందుకున్న ఉపసర్పంచ్ శ్రీధర్ వార్డు సభ్యులు కనకాబోయిన కిషోర్, మంద భాస్కర్, కడెం కిరణ్, కడెం అశోక్లతో కలిసి సంఘటనా స్థలానికి చేరుకుని బాలుడి పరిస్థితిని పరిశీలించారు. అపరిశుభ్రంగా ఉన్న బాలుడికి స్నానం చేయించి, కొత్త దుస్తులు వేయించారు. అనంతరం గ్రామ ప్రభుత్వ ఆసుపత్రికి తరలించి ప్రాథమిక చికిత్స అందించారు.
డాక్టర్ శ్రవణ్ కుమార్ సహకారంతో బాలుడిని ఐసీడీఎస్ జిల్లా బాల రక్షణ సంక్షేమ శాఖ అధికారులకు అప్పగించారు. బాలుడి పూర్తి వివరాలు తెలుసుకునేందుకు అధికారులు చర్యలు ప్రారంభించారు.
ఈ కార్యక్రమంలో మాజీ దేవస్థాన కమిటీ చైర్మన్ దేశం శ్రీనివాస్ గౌడ్, బాలబోయిన సురేష్, వర్ణాల బలరాజ్, పద్మ చంద్ర ప్రకాశ్ తదితరులు పాల్గొన్నారు.
#ChildRescue
#ICDS
#ChildProtection
#HumanityFirst
#SocialResponsibility
#Bhongir
#BBNagar
#CommunitySupport
Follow us on
Website
Facebook
Instagram
YouTube 
