నూతన గ్రామ పంచాయతీ భవనం ప్రారంభం

NTODAY NEWS  : చిట్యాల

నల్లగొండ జిల్లా చిట్యాల మండలం ఆరెగూడెం గ్రామంలో నూతనంగా నిర్మించిన గ్రామ పంచాయతీ భవనాన్ని గ్రామ ప్రజల సమక్షంలో సర్పంచ్ నాగంపల్లి శ్యాంసుందర్, ఉపసర్పంచ్ రాజు, పాలకవర్గ సభ్యులు కలిసి ప్రారంభించారు. గ్రామ పంచాయతీ నూతన భవనాన్ని మొత్తం రూ.32 లక్షల వ్యయంతో నిర్మించారు. ఇందులో రూ.20 లక్షలు ప్రభుత్వ నిధులు కాగా, మిగిలిన రూ.12 లక్షలను సొంత నిధుల ద్వారా సమకూర్చి భవన నిర్మాణాన్ని పూర్తి చేశారు. నూతన భవనం అందుబాటులోకి రావడంతో గ్రామ పరిపాలన మరింత సులభతరం కానుంది. గ్రామ ప్రజలకు ప్రభుత్వ సేవలను అందించడంతోపాటు, అభివృద్ధి కార్యక్రమాల నిర్వహణకు ఈ భవనం ఎంతగానో ఉపయోగపడనుంది. ఈ కార్యక్రమంలో గ్రామ ప్రజలు, గ్రామ పంచాయతీ పాలకవర్గ సభ్యులు పాల్గొన్నారు.