ఇందిరమ్మ ఇంటి మంజూరు పత్రం అందజేత
- 27వ డివిజన్‌లో ప్రేమలత–తిరుపతి దంపతులకు ఇంటి మంజూరు ప్రొసీడింగ్స్
- ఎమ్మెల్యే కొక్కిరాల ప్రేమ్ సాగర్ రావు ఆధ్వర్యంలో కార్యక్రమం
- లబ్ధిదారుల సంక్షేమానికి ప్రాధాన్యమిస్తున్న ప్రభుత్వం
- అర్హులకు ప్రభుత్వ పథకాల ప్రయోజనాలు
- కార్యక్రమంలో పాల్గొన్న ప్రజాప్రతినిధులు
మంచిర్యాల | ఎన్ టుడే న్యూస్: అర్హులైన పేదలకు సొంతింటి కలను సాకారం చేయాలనే లక్ష్యంతో అమలు చేస్తున్న ఇందిరమ్మ ఇళ్ల పథకంలో భాగంగా మంచిర్యాల మున్సిపల్ కార్పొరేషన్ పరిధిలోని 27వ డివిజన్‌కు చెందిన కూశనపెల్లి ప్రేమలత–తిరుపతి దంపతులకు ఇందిరమ్మ ఇంటి మంజూరు పత్రాన్ని అందజేశారు.
మంచిర్యాల శాసనసభ్యుడు కొక్కిరాల ప్రేమ్ సాగర్ రావు ఆధ్వర్యంలో జరిగిన ఈ కార్యక్రమంలో మంచిర్యాల జిల్లా మాజీ డీసీసీ అధ్యక్షురాలు కొక్కిరాల సురేఖ ప్రేమ్ సాగర్ రావు లబ్ధిదారులైన దంపతులకు ఇంటి మంజూరు ప్రొసీడింగ్స్ కాపీని అందించారు.
ఇందిరమ్మ ఇళ్ల పథకం ద్వారా అర్హులైన కుటుంబాలకు గృహ వసతి కల్పించేందుకు ప్రభుత్వం చర్యలు చేపడుతోంది. సొంత ఇల్లు లేని పేద కుటుంబాలకు ఈ పథకం ఎంతో ఉపయోగకరంగా ఉంటుందని కార్యక్రమంలో పాల్గొన్న నాయకులు పేర్కొన్నారు. ఇంటి మంజూరు పత్రాలు అందుకున్న ప్రేమలత–తిరుపతి దంపతులు సంతోషం వ్యక్తం చేశారు.
ఈ కార్యక్రమంలో మంచిర్యాల మున్సిపల్ కార్పొరేషన్ మేయర్ ధర్ని మధుకర్, స్థానిక కార్పొరేటర్ కొండ్ర రాజేశ్వరి–లింగయ్య, కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.
