హీరో తేజ సజ్జా పెళ్లిపై ఆసక్తికర చర్చ.. డిసెంబర్‌లో వివాహం!

తేజ సజ్జాది ప్రేమ వివాహం కాదని, పెద్దలు కుదిర్చిన వివాహమని సమాచారం. ఈ ఏడాది డిసెంబర్‌లో రాజస్థాన్‌లోని ఉదయ్‌పూర్‌లో కుటుంబ సభ్యులు, సన్నిహితుల సమక్షంలో వివాహ వేడుక నిర్వహించనున్నట్లు ప్రచారం జరుగుతోంది. నవంబర్‌లో నిశ్చితార్థం జరగనున్నట్లు కూడా కథనాలు పేర్కొంటున్నాయి.

తనకు కాబోయే జీవిత భాగస్వామి కుటుంబానికి సినీ పరిశ్రమతో సంబంధాలు లేవని, వారు సాంకేతిక రంగానికి చెందినవారని సమాచారం. వ్యక్తిగత జీవితాన్ని ప్రైవేట్‌గా ఉంచుకోవడానికి తేజ సజ్జా ప్రాధాన్యం ఇస్తున్నట్లు తెలుస్తోంది. వివాహం అనంతరం హైదరాబాద్‌లో ప్రత్యేకంగా విందు ఏర్పాటు చేయనున్నట్లు కూడా ప్రచారం జరుగుతోంది.

అయితే, వివాహ తేదీ, ఇతర వివరాలపై అధికారిక ప్రకటన వెలువడితేనే పూర్తి స్పష్టత రానుంది. యువ హీరో వివాహ వార్తలతో అభిమానుల్లో ఆసక్తి నెలకొంది.