జీడబ్ల్యూఎంసీ కార్యాలయంలో నాగుపాము కలకలం

జీడబ్ల్యూఎంసీ కార్యాలయంలో నాగుపాము కలకలం!

వరంగల్, మార్చి 29, 2026:

గ్రేటర్ వరంగల్ మున్సిపల్ కార్పొరేషన్ (GWMC) ప్రధాన కార్యాలయంలో ఆదివారం ఉదయం అనూహ్య ఘటన చోటుచేసుకుంది. కార్యాలయంలోని టాయిలెట్స్ సమీపంలో నాగుపాము కనిపించడంతో ఒక్కసారిగా సిబ్బందిలో భయాందోళనలు నెలకొన్నాయి.

సుమారు అరగంటకు పైగా పాము అక్కడే ఉండటంతో ఉద్యోగులు ఆ ప్రాంతానికి వెళ్లేందుకు వెనుకంజ వేశారు. పరిస్థితిని గమనించిన ఓ ఉద్యోగి వెంటనే స్నేక్ క్యాచర్‌కు సమాచారం అందించాడు.

సంఘటన స్థలానికి చేరుకున్న స్నేక్ క్యాచర్ చాకచక్యంగా పామును పట్టుకుని సురక్షితంగా తరలించడంతో అందరూ ఊపిరి పీల్చుకున్నారు. ఈ ఘటనతో కొంతసేపు కార్యాలయంలో ఉద్రిక్తత నెలకొంది.