జీలకర్రగూడెం – కామవరపుకోట రహదారి
జీలకర్రగూడెం – కామవరపుకోట రహదారి: ప్రయాణం అంటే సాహసమే!
ఏలూరు జిల్లా చింతలపూడి నియోజకవర్గ పరిధిలో జీలకర్రగూడెం నుంచి కామవరపుకోట వెళ్లే రహదారి పరిస్థితి దయనీయంగా మారింది. సింగిల్ లైన్ రోడ్ కావడం, భారీ గుంతలు ఉండటం వల్ల ఈ మార్గంలో ప్రయాణం వాహనదారులకు సాహసంగా మారింది.
జీలకర్రగూడెం మొక్కజొన్న ఫ్యాక్టరీ నిర్లక్ష్యం కారణంగా, మొక్కజొన్న లోడుతో వచ్చిన లారీలకు ఎటువంటి పార్కింగ్ సదుపాయం లేకుండా వందల సంఖ్యలో లారీలను రహదారి పక్కన నిలిపివేస్తున్నారు. దీంతో జీలకర్రగూడెం–కామవరపుకోట రహదారిపై ట్రాఫిక్ తీవ్రంగా దెబ్బతింటోంది.
సింగిల్ రోడ్ పై వరుసగా నిలిచిన లారీల వల్ల ఎదురుగా వచ్చే వాహనాలకు దారి లేకపోవడం, తరచూ ట్రాఫిక్ జామ్‌లు ఏర్పడటం జరుగుతోంది. ముఖ్యంగా రాత్రి వేళల్లో ఈ పరిస్థితి మరింత ప్రమాదకరంగా మారి ప్రమాదాలకు దారితీసే అవకాశాలు ఉన్నాయి.
ఇప్పటికైనా సంబంధిత అధికారులు స్పందించి, లారీలకు ప్రత్యేక పార్కింగ్ సదుపాయం కల్పించి, రహదారి మరమ్మతులు చేపట్టి వాహనదారులకు ఇబ్బందులు లేకుండా చూడాలని ప్రజలు, వాహనదారులు కోరుతున్నారు.
