జనార్ధనవరం–ఆరుగొలనుపేట ఎంపీటీసీ టీడీపీ అభ్యర్థిగా మోనూరి వెంకటేశ్వరరావు నామినేషన్

ఏలూరు జిల్లా, నూజివీడు నియోజకవర్గం, చాట్రాయి మండలం జనార్ధనవరం–ఆరుగొలనుపేట ఎంపీటీసీ స్థానానికి తెలుగుదేశం పార్టీ అభ్యర్థిగా మోనూరి వెంకటేశ్వరరావు నామినేషన్ దాఖలు చేశారు. స్థానిక సంస్థల ఎన్నికల నేపథ్యంలో పార్టీ అభ్యర్థులు నామినేషన్లు దాఖలు చేస్తుండటంతో మండలంలో ఎన్నికల సందడి నెలకొంది. జనార్ధనవరం–ఆరుగొలనుపేట ఎంపీటీసీ స్థానంలో టీడీపీ తరఫున మోనూరి వెంకటేశ్వరరావు బరిలో నిలవడంతో స్థానిక రాజకీయాల్లో ఎన్నికల వేడి మొదలైంది. ఈ కార్యక్రమంలో టీడీపీ మండల పార్టీ అధ్యక్షుడు ఇజ్జిగాని వెంకటేశ్వరరావు, ఆరుగొలనుపేట గ్రామ పార్టీ అధ్యక్షుడు పానుగళ్ల కోటేశ్వరరావు తదితర పార్టీ నాయకులు పాల్గొని అభ్యర్థికి మద్దతు తెలిపారు. ఈ సందర్భంగా ఇజ్జిగాని వెంకటేశ్వరరావు మాట్లాడుతూ, జనార్ధనవరం–ఆరుగొలనుపేట ప్రాంత అభివృద్ధికి తెలుగుదేశం పార్టీ కట్టుబడి ఉందని, ప్రజల సమస్యల పరిష్కారానికి నిరంతరం కృషి చేస్తామని తెలిపారు. స్థానిక ప్రజల ఆశయాలకు అనుగుణంగా అభివృద్ధి కార్యక్రమాలకు ప్రాధాన్యతనిస్తూ, గ్రామాల్లో మౌలిక సదుపాయాల కల్పనకు కృషి చేస్తామని పేర్కొన్నారు. పార్టీ శ్రేణులంతా సమన్వయంతో పనిచేస్తూ అభ్యర్థి విజయానికి కృషి చేయాలని పిలుపునిచ్చారు.