జూనియర్ ఎన్టీఆర్‌కు స్వల్ప గాయం.. అభిమానులు ఆందోళన చెందొద్దని కార్యాలయం ప్రకటన

హైదరాబాద్: సినీ నటుడు నందమూరి తారక రామారావు జూనియర్ (జూనియర్ ఎన్టీఆర్) భుజానికి స్వల్ప గాయం అయినట్లు ఆయన కార్యాలయం వెల్లడించింది. వైద్యులు పరీక్షించి 6 నుంచి 8 వారాలపాటు విశ్రాంతి తీసుకోవాలని సూచించినట్లు తెలిపింది.

ప్రస్తుతం జూనియర్ ఎన్టీఆర్ ఆరోగ్య పరిస్థితి నిలకడగా ఉందని, అభిమానులు ఎలాంటి ఆందోళన చెందాల్సిన అవసరం లేదని ఆయన కార్యాలయం విడుదల చేసిన ప్రకటనలో పేర్కొంది. వైద్యుల సూచన మేరకు విశ్రాంతి తీసుకుంటూ త్వరలోనే సాధారణ కార్యకలాపాలకు తిరిగి వస్తారని వెల్లడించింది.