తిరుపతి రూరల్ జెడ్పీటీసీ అభ్యర్థిగా కాంగ్రెస్ పార్టీ తరఫున కె. జ్యోతీశ్వర్ నాయక్ నామినేషన్ దాఖలు!
- తిరుపతి జిల్లాలో స్థానిక సంస్థల ఎన్నికల బరిలో కాంగ్రెస్ అభ్యర్థులు!
- తిరుపతి రూరల్ జెడ్పీటీసీ అభ్యర్థిగా కె. జ్యోతీశ్వర్ నాయక్ నామినేషన్
తిరుపతి (ఎన్‌ టుడే న్యూస్‌): తిరుపతి జిల్లాలో స్థానిక సంస్థల ఎన్నికల బరిలో కాంగ్రెస్ పార్టీ అభ్యర్థులు నిలిచారు. తిరుపతి జిల్లా కాంగ్రెస్ పార్టీ అధ్యక్షుడు బాలగూరవం బాబు సూచనల మేరకు, తిరుపతి రూరల్ జెడ్పీటీసీ అభ్యర్థిగా జిల్లా కాంగ్రెస్ పార్టీ ఆదివాసీ చైర్మన్ కె. జ్యోతీశ్వర్ నాయక్ నామినేషన్ దాఖలు చేశారు.
అదేవిధంగా సూళ్లూరుపేట, సత్యవేడు ప్రాంతాల్లోనూ కాంగ్రెస్ పార్టీ తరఫున జెడ్పీటీసీ, ఎంపీటీసీ అభ్యర్థులు నామినేషన్లు సమర్పించారు. జిల్లాలో పార్టీ తరఫున అభ్యర్థులు ఎన్నికల బరిలోకి దిగడంతో కాంగ్రెస్ శ్రేణుల్లో రాజకీయ ఉత్సాహం నెలకొంది.
ఈ కార్యక్రమంలో శ్రీకాళహస్తి నియోజకవర్గ కాంగ్రెస్ పార్టీ సమన్వయకర్త తలపా దామోదర్ రెడ్డి, తిరుపతి డీసీసీ వైస్ ప్రెసిడెంట్ షేక్ కరీముల్లా, ఓబీసీ జిల్లా జనరల్ సెక్రటరీ డబ్బుగుంట సుధాకర్ యాదవ్, బి. ప్రదీప్ కుమార్ నాయక్ తదితరులు పాల్గొన్నారు.
స్థానిక సంస్థల ఎన్నికల్లో కాంగ్రెస్ పార్టీ అభ్యర్థులు నామినేషన్లు దాఖలు చేయడంతో తిరుపతి జిల్లాలో రాజకీయ సందడి నెలకొంది.
