దుర్గాదేవి అలంకరణలో కామేపల్లి పోలేరమ్మ అమ్మవారు

నవరాత్రుల ఏడో రోజు అమ్మవారిని దర్శించుకున్న భక్తులు

కామేపల్లి: నవరాత్రి ఉత్సవాల్లో భాగంగా ఏడో రోజు కామేపల్లిలోని పోలేరమ్మ అమ్మవారు దుర్గాదేవి అలంకరణలో భక్తులకు దర్శనమిచ్చారు. దుర్గాదేవి అలంకరణలో కొలువుదీరిన పోలేరమ్మ అమ్మవారిని దర్శించుకునేందుకు భక్తులు అధిక సంఖ్యలో ఆలయానికి తరలివచ్చారు. అమ్మవారికి ప్రత్యేక పూజలు నిర్వహించి మొక్కులు చెల్లించుకున్నారు.

నవరాత్రి ఉత్సవాల్లో భాగంగా ప్రతిరోజూ అమ్మవారికి వివిధ అలంకరణలు చేసి ప్రత్యేక పూజలు నిర్వహిస్తున్నట్లు ఆలయ ఈవో బైరాగి చౌదరి తెలిపారు. ఏడో రోజు దుర్గాదేవి అలంకరణలో అమ్మవారు భక్తులకు దర్శనమిచ్చారని పేర్కొన్నారు.