కొమ్మిరెడ్డిపల్లిలో ఆపదలో అండగా ఎమ్మెల్యే కొలికపూడి

కంటి శస్త్రచికిత్సకు రూ.80 వేల ఆర్థిక సహాయం

ఎన్టీఆర్ జిల్లా తిరువూరు నియోజకవర్గం తిరువూరు మండలం కొమ్మిరెడ్డిపల్లి గ్రామానికి చెందిన వార్తా విలేకరి మారేపోగు రవికి కంటి శస్త్రచికిత్స నిమిత్తం శాసనసభ్యుడు కొలికపూడి శ్రీనివాసరావు తన సొంత నిధుల నుంచి రూ.80 వేల ఆర్థిక సహాయం అందించారు.

కొంతకాలంగా కంటి సమస్యతో బాధపడుతున్న రవికి శస్త్రచికిత్స చేయించుకోవాల్సిన పరిస్థితి ఏర్పడింది. కుటుంబ ఆర్థిక పరిస్థితుల కారణంగా చికిత్స ఖర్చులు భరించడం కష్టంగా మారిన విషయాన్ని తెలుసుకున్న శాసనసభ్యుడు కొలికపూడి శ్రీనివాసరావు మానవతా దృక్పథంతో స్పందించారు. చికిత్సకు అవసరమైన రూ.80 వేల మొత్తాన్ని అందించి రవికి అండగా నిలిచారు.

ప్రజా సమస్యల పరిష్కారంతో పాటు అనారోగ్యంతో బాధపడుతున్న వారికి, ఆపదలో ఉన్న కుటుంబాలకు తన వంతు సహాయాన్ని అందించడం ద్వారా ప్రజా ప్రతినిధిగా సామాజిక బాధ్యతను చాటుతున్నారని స్థానికులు పేర్కొన్నారు. ఆపద సమయంలో ఆర్థిక సహాయం అందించడం రవి కుటుంబానికి ఎంతో ఊరటనిచ్చిందని తెలిపారు.

కంటి శస్త్రచికిత్స విజయవంతంగా పూర్తై రవి త్వరగా సంపూర్ణ ఆరోగ్యంతో కోలుకోవాలని కొలికపూడి శ్రీనివాసరావు ఆకాంక్షించారు. రవి కుటుంబానికి అన్ని విధాలా అండగా ఉంటానని భరోసా కల్పించారు.