కొండపర్వ వద్ద ప్రమాద ఘంటికలు.. రోడ్డుపై కుప్పకూలిన భారీ వృక్షం కొమ్మలు!

కొండపర్వ వద్ద ప్రమాద ఘంటికలు.. రోడ్డుపై కుప్పకూలిన భారీ వృక్షం కొమ్మలు!

విస్సన్నపేట నుంచి నూజవీడు వెళ్లే ప్రధాన రహదారిపై కొండపర్వ సమీపంలో భారీ వృక్షం కొమ్మలు ఒక్కసారిగా విరిగి రోడ్డుపై పడటంతో వాహనాల రాకపోకలు స్తంభించిపోయాయి. రహదారిపై ప్రయాణిస్తున్న వాహనదారులు ఒక్కసారిగా ఉలిక్కిపడగా, కొంతసేపు ట్రాఫిక్‌కు తీవ్ర అంతరాయం ఏర్పడింది.

అదృష్టవశాత్తూ ఘటన సమయంలో ఎలాంటి ప్రాణనష్టం జరగలేదు. సమాచారం అందుకున్న అధికారులు, సిబ్బంది వెంటనే సంఘటనా స్థలానికి చేరుకుని కొమ్మలను తొలగించే చర్యలు చేపట్టారు. వర్షాలు, ఈదురుగాలుల నేపథ్యంలో పాత వృక్షాల వద్ద అప్రమత్తంగా ఉండాలని అధికారులు సూచించారు. ప్రయాణికులు జాగ్రత్తగా ప్రయాణించాలని హెచ్చరించారు.