కొత్త గ్యాస్ బుకింగ్ నంబర్లు విడుదల

న్యూఢిల్లీ: సిలిండర్ బుకింగ్‌లో ఎలాంటి అంతరాయం కలగకుండా ఉండేందుకు ఇండియన్ ఆయిల్ కార్పొరేషన్ (ఐఓసీఎల్) కొత్త హెల్ప్‌లైన్ నంబర్లను అందుబాటులోకి తీసుకొచ్చింది.

వినియోగదారులు తమ రిజిస్టర్డ్ మొబైల్ నంబర్ నుంచి 8927225667కు మిస్ కాల్ ఇచ్చి సులభంగా గ్యాస్ సిలిండర్ బుక్ చేసుకోవచ్చు. అలాగే, ఫోన్ కాల్ ద్వారా బుకింగ్ చేయాలనుకునే వారు 8391990070 నంబర్‌కు డయల్ చేసి  ఐవిఆర్ఎస్ దుపాయం ఉపయోగించుకోవచ్చు.

ఇప్పటివరకు వినియోగంలో ఉన్న పాత నంబర్లు కూడా కొనసాగుతాయని సంస్థ తెలిపింది. వినియోగదారులు ఎలాంటి ఇబ్బందులు లేకుండా తమ బుకింగ్ సేవలను కొనసాగించవచ్చని ఐఓసీఎల్ స్పష్టం చేసింది.

గమనిక: గ్యాస్ బుకింగ్ కోసం రిజిస్టర్డ్ మొబైల్ నంబర్ నుంచే కాల్ చేయడం తప్పనిసరి.