వైసీపీ అభ్యర్థులను నామినేషన్లు వేయనివ్వడం లేదంటూ చంద్రబాబుపై కేతిరెడ్డి ఫైర్

‘ఏపీని మళ్లీ 1999కి తీసుకెళ్లారు.. నయా బీహార్‌గా మార్చారు’

ఆంధ్రప్రదేశ్: మున్సిపల్ ఎన్నికల్లో వైసీపీ అభ్యర్థులను నామినేషన్లు దాఖలు చేయకుండా అడ్డుకుంటున్నారని ఆరోపిస్తూ మాజీ ఎమ్మెల్యే కేతిరెడ్డి వెంకటరామిరెడ్డి సీఎం చంద్రబాబుపై విమర్శలు చేశారు. ఈ మేరకు ఆయన సోషల్ మీడియా వేదికగా ట్వీట్ చేశారు.

‘ఈవీఎంలు ఉంటే మేనేజ్‌మెంట్‌.. బ్యాలెట్‌ అయితే రౌడీలు, పోలీసుల అరేంజ్‌మెంట్‌. ప్రాణాలకు తెగించి నామినేషన్‌ వేస్తే బెదిరింపులు, బైండోవర్లు. అభ్యర్థి భయంతో, కుటుంబం ఆందోళనతో, ఓటరు మౌనంతో ఉండిపోతున్నారు. ఏపీని మళ్లీ 1999కి తీసుకెళ్లావ్‌.. నయా బీహార్‌ చేశావ్‌ చంద్రబాబు!’ అంటూ కేతిరెడ్డి వెంకటరామిరెడ్డి తన ట్వీట్‌లో విమర్శించారు.

వైసీపీ అభ్యర్థుల నామినేషన్లకు ఆటంకాలు కల్పిస్తున్నారన్నది కేతిరెడ్డి చేసిన ఆరోపణగా ఉంది.