ఖమ్మంలో ఏఆర్ కానిస్టేబుల్పై వివాహిత భర్త ఫిర్యాదు.. అక్రమ సంబంధం ఆరోపణలు
ఖమ్మం పోలీస్ కమిషనరేట్ పరిధిలోని బాంబ్ స్క్వాడ్లో పనిచేస్తున్న ఏఆర్ కానిస్టేబుల్ రాంబాబుపై ఓ వ్యక్తి ఉన్నతాధికారులకు ఫిర్యాదు చేశాడు. తన భార్యతో కానిస్టేబుల్ అక్రమ సంబంధం పెట్టుకున్నాడని ఆరోపించాడు.
కోర్టు కేసు విచారణ నిమిత్తం వచ్చిన తన భార్యకు కానిస్టేబుల్ రాంబాబు పరిచయమయ్యాడని, చెల్లి, బుజ్జి అంటూ మాయమాటలు చెప్పి దగ్గరయ్యాడని ఫిర్యాదులో పేర్కొన్నాడు. అనంతరం ఇద్దరి మధ్య సాన్నిహిత్యం పెరిగిందని ఆరోపించాడు.
భార్య ప్రవర్తనపై అనుమానం రావడంతో నిఘా పెట్టిన భర్త.. కానిస్టేబుల్తో తన భార్య ఏకాంతంగా ఉన్న సమయంలో పట్టుకున్నట్లు తెలిపాడు. గతంలో ఇద్దరూ కలిసి ఉన్న వీడియోలు కూడా తన భార్య ఫోన్లో లభించాయని పేర్కొన్నాడు.
తనను పట్టుకున్న సమయంలో కానిస్టేబుల్ రాంబాబు దాడి చేసి అక్కడి నుంచి వెళ్లిపోయాడని బాధితుడు ఆరోపించాడు. పదేళ్ల ప్రేమ వివాహం, ఇద్దరు పిల్లలు ఉన్న తన కుటుంబాన్ని దెబ్బతీసేలా కేసు విషయంలో వచ్చిన మహిళను కానిస్టేబుల్ ఇలా ప్రలోభాలకు గురిచేశాడని ఫిర్యాదులో పేర్కొన్నాడు.
ఈ ఘటనపై పోలీస్ ఉన్నతాధికారులు విచారణ చేపట్టినట్లు సమాచారం.
