గారన్నాయడుపేటలో కూటమి ఎంపీటీసీ అభ్యర్థి ఇంటింటి ప్రచారం

• బూరాడ సుజాతకు మద్దతుగా ప్రచారంలో పాల్గొన్న రాకోటి సత్యమూర్తి
  
• ప్రజల సమస్యలను అడిగి తెలుసుకున్న అభ్యర్థి
  
• అభ్యర్థి విజయమే లక్ష్యంగా ప్రచారం
  
• ప్రచారంలో పాల్గొన్న కూటమి శ్రేణులు

సంతకవిటి, రాజాం నియోజకవర్గం | అక్టోబర్ 22 | ఎన్ టుడే న్యూస్: స్థానిక సంస్థల ఎన్నికల నేపథ్యంలో విజయనగరం జిల్లా సంతకవిటి మండలం చిత్తారపురం పంచాయతీ పరిధిలోని గారన్నాయడుపేట గ్రామంలో ఎన్డీఏ కూటమి ఎంపీటీసీ అభ్యర్థి బూరాడ సుజాత ఇంటింటి ప్రచారం నిర్వహించారు. గురువారం రెండో రోజు కొనసాగిన ప్రచారంలో కూటమి నాయకులు, కార్యకర్తలు పాల్గొన్నారు.

చిత్తారపురం పంచాయతీ కూటమి ఎంపీటీసీ అభ్యర్థి బూరాడ సుజాత విజయాన్ని కాంక్షిస్తూ టీడీపీ సర్పంచ్ అభ్యర్థి రాకోటి సత్యమూర్తి కూటమి నాయకులతో కలిసి ప్రచారంలో పాల్గొన్నారు. గ్రామంలోని ప్రతి ఇంటికీ వెళ్లి ప్రజలను కలుసుకున్నారు.

ఈ సందర్భంగా బూరాడ సుజాత ప్రజలతో మాట్లాడి వారి సమస్యలను అడిగి తెలుసుకున్నారు. ప్రజలతో మమేకమవుతూ ఎన్నికల్లో తనకు మద్దతు ఇవ్వాలని కోరారు.

ఈ ఇంటింటి ప్రచార కార్యక్రమంలో కూటమి నాయకులు, కార్యకర్తలు, మహిళలు పెద్ద సంఖ్యలో పాల్గొన్నారు. గ్రామంలో ఎన్నికల ప్రచారం కొనసాగింది.