మోటారు రహిత రవాణా విభాగంలో KUDAకు అవార్డు
తెలంగాణ
/
వరంగల్
Seetha Kiran Kumar
హన్మకొండ మండలం
- ఈ నెల 24న భువనేశ్వర్‌లో పురస్కార ప్రదానం
- అధికారులకు మున్సిపల్ శాఖ కార్యదర్శి టీకే శ్రీదేవి అభినందనలు
తెలంగాణ | ఎన్ టుడే న్యూస్: ఉత్తమ మోటారు రహిత రవాణా వ్యవస్థ కలిగిన నగరం విభాగంలో కాకతీయ పట్టణాభివృద్ధి సంస్థ (KUDA) అవార్డుకు ఎంపికైంది. ఈ నెల 24న ఒడిశా రాజధాని భువనేశ్వర్‌లో అవార్డుల ప్రదాన కార్యక్రమం నిర్వహించనున్నారు.
ఈ గుర్తింపు నేపథ్యంలో మున్సిపల్ శాఖ కార్యదర్శి టీకే శ్రీదేవి సంబంధిత అధికారులను అభినందించారు. పట్టణాల్లో మోటారు వాహనాలపై ఆధారపడకుండా నడక, సైక్లింగ్ వంటి రవాణా మార్గాలను ప్రోత్సహించడం, ప్రజలకు అనుకూలమైన పట్టణ వాతావరణాన్ని అభివృద్ధి చేయడం వంటి అంశాల్లో చేపట్టే చర్యలకు ఈ అవార్డు గుర్తింపుగా నిలవనుంది.
కాకతీయ పట్టణాభివృద్ధి సంస్థకు అవార్డు లభించడం పట్ల అధికారులు హర్షం వ్యక్తం చేశారు.
