కలిసికట్టుగా ముందుకు సాగుదాం: కూటమి నాయకులు
విజయనగరం టీడీపీ కార్యాలయంలో కూటమి నేతల సమావేశం
నెల్లిమర్ల, ఎస్‌.కోట నియోజకవర్గాల ఎన్నికల సన్నద్ధతపై చర్చ
విజయనగరం: రానున్న స్థానిక సంస్థల ఎన్నికల్లో కూటమి విజయపరంపరను కొనసాగించేందుకు నాయకుల మధ్య సమన్వయంతో ముందుకు సాగాలని కూటమి నాయకులు నిర్ణయించారు. ఈ మేరకు విజయనగరం జిల్లా టీడీపీ కార్యాలయంలో కూటమి ప్రజాప్రతినిధులు, ముఖ్య నాయకులతో సమావేశం నిర్వహించారు.
ఈ సమావేశంలో ముఖ్యంగా నెల్లిమర్ల, ఎస్‌.కోట నియోజకవర్గాల్లో రానున్న స్థానిక సంస్థల ఎన్నికల సన్నద్ధతపై సమగ్రంగా చర్చించారు. క్షేత్రస్థాయిలో పార్టీ శ్రేణుల సమన్వయం, ఎన్నికల కార్యాచరణను పక్కా ప్రణాళికతో ముందుకు తీసుకెళ్లే అంశాలపై దృష్టి సారించారు.
గ్రామస్థాయి వరకు కూటమిని బలోపేతం చేయడమే లక్ష్యం
ప్రజల నమ్మకాన్ని నిలబెట్టుకుంటూ కూటమి బలాన్ని గ్రామస్థాయి వరకు మరింత పటిష్ఠం చేసేందుకు నాయకులందరూ కలిసికట్టుగా పనిచేస్తారని పేర్కొన్నారు. స్థానిక సంస్థల ఎన్నికల్లో సమన్వయంతో ముందుకు సాగేందుకు అవసరమైన కార్యాచరణ రూపొందించడంపై సమావేశంలో చర్చించారు.
