కూటమి అభ్యర్థులను గెలిపించండి

• సైకిల్ గుర్తుకు ఓటు వేయాలని విజ్ఞప్తి
  
• 19 మంది ఎంపీటీసీ అభ్యర్థులను గెలిపించాలి

ఆత్రేయపురంలో ఇంటింటా ప్రచారం నిర్వహించిన వాడపల్లి దేవస్థానం చైర్మన్ ముదునూరి వెంకటరాజు

ఆత్రేయపురం | ఎన్ టుడే న్యూస్‌:

స్థానిక సంస్థల ఎన్నికల్లో కూటమి అభ్యర్థులను బలపరచి గెలిపించాలని వాడపల్లి దేవస్థానం చైర్మన్ ముదునూరి వెంకటరాజు ప్రజలను కోరారు. ఆదివారం ఆత్రేయపురం గ్రామంలో ఆయన ఇంటింటా ప్రచారం నిర్వహించారు.

సొసైటీ అధ్యక్షుడు ముదునూరి రాంబద్రరాజు బలపరిచిన ఎంపీటీసీ-2 అభ్యర్థి ముదునూరి అనంతలక్ష్మి అప్పలరాజుకు సైకిల్ గుర్తుపై ఓటు వేసి గెలిపించాలని ముదునూరి వెంకటరాజు ప్రజలకు విజ్ఞప్తి చేశారు.

మండల పరిధిలోని 17 గ్రామాల్లో కూటమి బలపరిచిన అభ్యర్థులకు ప్రజల నుంచి మంచి స్పందన లభిస్తోందని ఆయన తెలిపారు. గ్రామాల అభివృద్ధి కోసం కూటమి బలపరిచిన 19 మంది ఎంపీటీసీ అభ్యర్థులను గెలిపించాలని కోరారు.