లడబజార్ అయ్యప్ప భక్త బృందం ఆధ్వర్యంలో 41 మంది యువకుల మాలాధారణ

తెలంగాణ రాష్ట్రం ఖమ్మం జిల్లా మధిర పట్టణం లోని లడక్ బజార్ అయ్యప్ప భక్త బృందం *చెరుపల్లి శ్రీధర్ గురుస్వామి ఆధ్వర్యంలో* లడక బజార్, బంజారా కాలనీకి చెందిన 41 మంది యువకులు  స్థానిక అయ్యప్ప స్వామి ఆలయం నందు  అయ్యప్ప స్వామి మాలధారణ గావించుకొని  41 రోజుల మండల దీక్షను ప్రారంభించారు. అయ్యప్ప స్వామి నామస్మరణ.. భక్తి పారవశ్యం.. శరణుఘోషల నడుమ అయ్యప్ప స్వామి ఆలయం ఆధ్యాత్మిక శోభను సంతరించుకుంది. నిష్ఠ, నియమాలతో స్వామివారి దీక్ష చేపట్టిన భక్తులు భక్తి పారవశ్యంలో మునిగిపోయారు. అయ్యప్ప స్వామి ఆశీస్సులతో దీక్షను విజయవంతంగా పూర్తి చేయాలని గురుస్వాములు భక్తులకు సూచించారు. ఈ కార్యక్రమంలో గురుస్వాములు వలిశెట్టి శ్రీనివాసరావు, దొంతెబోయిన హనుమంతరావుతో పాటు అయ్యప్ప స్వాములు పాల్గొన్నారు.