రావులపాలెం జడ్పీటీసీ అభ్యర్థిగా మల్లిడి లావణ్య రామిరెడ్డి
అభ్యర్థిని ప్రకటించి అభినందించిన వైసీపీ జిల్లా అధ్యక్షుడు చిర్ల జగ్గిరెడ్డి
స్థానిక సంస్థల ఎన్నికల్లో పార్టీ విజయానికి సమష్టిగా కృషి చేయాలని పిలుపు
రావులపాలెం, కోనసీమ జిల్లా | ఎన్ టుడే న్యూస్: డాక్టర్ బీఆర్ అంబేద్కర్ కోనసీమ జిల్లా రావులపాలెం మండల జడ్పీటీసీ అభ్యర్థిగా ఊబలంక గ్రామానికి చెందిన మల్లిడి లావణ్య రామిరెడ్డిని వైఎస్సార్ కాంగ్రెస్ పార్టీ ప్రకటించింది. పార్టీ జిల్లా అధ్యక్షుడు, మాజీ ఎమ్మెల్యే చిర్ల జగ్గిరెడ్డి అభ్యర్థిని ప్రకటించి అభినందించారు.
రాబోయే స్థానిక సంస్థల ఎన్నికల్లో పార్టీ అభ్యర్థుల విజయానికి నాయకులు, కార్యకర్తలు సమష్టిగా కృషి చేయాలని చిర్ల జగ్గిరెడ్డి పిలుపునిచ్చారు. పార్టీ శ్రేణులందరూ అభ్యర్థులకు అండగా నిలిచి, ఎన్నికల ప్రచారంలో చురుకుగా పాల్గొనాలని కోరారు.
వైఎస్సార్ కాంగ్రెస్ పార్టీ అభ్యర్థుల విజయమే లక్ష్యంగా నాయకులు, కార్యకర్తలు సమన్వయంతో పనిచేయాలని ఆయన సూచించారు.
