మంచిర్యాల ఐబీ చౌరస్తాలో డాక్టర్ బి.ఆర్. అంబేద్కర్ 135వ జయంతి వేడుకలు
మంచిర్యాల ఐబీ చౌరస్తాలో డాక్టర్ బి.ఆర్. అంబేద్కర్ 135వ జయంతి వేడుకలు
మంచిర్యాల:
మంచిర్యాల జిల్లా కేంద్రంలోని ఐబీ చౌరస్తాలో భారత రాజ్యాంగ నిర్మాత, ప్రపంచ మేధావి, సామాజిక న్యాయానికి చిరస్మరణీయ ప్రతీక అయిన డాక్టర్ బి.ఆర్. అంబేద్కర్ 135వ జయంతి వేడుకలను ఘనంగా నిర్వహించారు. తెలంగాణ ఉద్యమకారుల ఐక్య వేదిక మరియు సింగరేణి విశ్రాంత ఉద్యోగుల సంఘం సంయుక్త ఆధ్వర్యంలో ఆ మహనీయుని విగ్రహానికి పూలమాలలు వేసి వినమ్రంగా నివాళులు అర్పించారు.
ఈ సందర్భంగా సంఘం అధ్యక్షుడు గజెల్లి వెంకటయ్య మాట్లాడుతూ, దేశానికి అంబేద్కరుడు అందించిన సేవలు వెలకట్టలేనివని, ఆయన ఆశయ సాధన కోసం ప్రతి ఒక్కరూ కృషి చేయాలని పిలుపునిచ్చారు. అనంతరం కార్యకర్తలు మరియు నాయకులు పెద్ద ఎత్తున నినాదాలు చేస్తూ నివాళులర్పించారు:
"జోహార్ డాక్టర్ బాబాసాహెబ్ అంబేద్కర్"
"అమర్ హై డాక్టర్ బి.ఆర్. అంబేద్కర్ అమర్ హై"
ఈ కార్యక్రమంలో తెలంగాణ ఉద్యమకారులు, సింగరేణి విశ్రాంత ఉద్యోగులు మరియు అభిమానులు పాల్గొని అంబేద్కర్ చేసిన పోరాటాలను స్మరించుకున్నారు
