ఆస్తి పంపకాలలో అన్యాయం జరిగిందంటూ వాటర్ ట్యాంక్ ఎక్కిన వ్యక్తి

ఆస్తి పంపకాలలో అన్యాయం జరిగిందంటూ వాటర్ ట్యాంక్ ఎక్కిన వ్యక్తి మద్యం మత్తులో ఆత్మహత్య చేసుకుంటానంటూ హల్‌చల్ సంఘటనా స్థలానికి చేరుకుని సముదాయిస్తున్న ఎస్సై రమేష్ 

ఖమ్మం జిల్లా: ఆస్తి పంపకాల విషయంలో సోదరుడు తనకు అన్యాయం చేశాడంటూ మనస్తాపానికి గురైన ఓ వ్యక్తి మద్యం మత్తులో గ్రామంలోని మంచినీటి వాటర్ ట్యాంక్ ఎక్కి ఆత్మహత్య చేసుకుంటానంటూ హల్‌చల్ చేసిన ఘటన ఎర్రుపాలెం మండలం చిప్పకట్లపాలెం గ్రామంలో ఆదివారం చోటుచేసుకుంది. గ్రామానికి చెందిన వడ్లకుంట్ల వెంకటేశ్వర్లు అలియాస్ రూబెన్ (45) తన సోదరుడు ఆస్తి పంపకాలలో తనకు అన్యాయం చేశాడని ఆవేదనకు గురైనట్లు సమాచారం. ఈ క్రమంలో మద్యం మత్తులో గ్రామంలోని మంచినీటి వాటర్ ట్యాంక్ ఎక్కి ఆత్మహత్య చేసుకుంటానని హెచ్చరించాడు. వెంకటేశ్వర్లు వాటర్ ట్యాంక్ ఎక్కిన విషయాన్ని తెలుసుకున్న ఎర్రుపాలెం ఎస్సై ఎన్. రమేష్ బ్లూకోట్ సిబ్బందితో కలిసి వెంటనే సంఘటనా స్థలానికి చేరుకున్నారు. వాటర్ ట్యాంక్‌పై ఉన్న వెంకటేశ్వర్లును సముదాయించి కిందకు దించేందుకు పోలీసులు ప్రయత్నిస్తున్నారు. ఈ ఘటనతో గ్రామంలో కొంతసేపు ఉత్కంఠ నెలకొంది.