మర్యాల గ్రామంలో షార్ట్ సర్క్యూట్ తో ఇల్లు దగ్ధం, పరిశీలించిన మండల తాహసిల్దార్ పి.శ్రీనివాసరావు

మర్యాల గ్రామంలో షార్ట్ సర్క్యూట్ తో ఇల్లు దగ్ధం, పరిశీలించిన మండల తాహసిల్దార్ పి.శ్రీనివాసరావు

యాదాద్రి భువనగిరి జిల్లా, బొమ్మలరామారం మండలం, మర్యాల గ్రామంలో ఎస్సీ కాలనీలో శనివారం అర్ధరాత్రి సమయంలో షార్ట్ సర్క్యూట్ కారణంగా పెంకుటిల్లు దగ్ధమైన సంఘటన చోటుచేసుకుంది.ఈ క్రమంలో ఇంట్లో నుంచి పొగలు రావడంతో స్థానికులు గమనించి ఫైర్ స్టేషన్ కు సమాచారం అందించగా ఫైర్ సిబ్బంది మంటలను అదుపులోకి తీసుకుని వచ్చారు. గ్రామానికి చెందిన సంగి స్వామి, కమలమ్మ కూలి పనులు చేస్తూ జీవనం సాగిస్తున్నారు.ఈ ప్రమాదంలో ఇంట్లో ఉన్న విలువైన వస్తువులు, ఫర్నిచర్ మొత్తం కాలి బూడిదగా మారాయి. లక్ష రూపాయలు వస్తువులు కాలిపోగా,నూతనంగా నిర్వహిస్తున్న గృహానికి 2,50,000 అప్పు తీసుకువచ్చి ఇంట్లో పెట్టగా రాత్రి  షార్ట్ సర్క్యూట్ కారణంగా డబ్బులన్నీ కాలిపోయాయని కన్నీరు మున్నీరవుతున్నారు.సమాచారం అందుకున్న మండల తాహాసిల్దార్ పి.శ్రీనివాసరావు సంఘటన స్థలానికి చేరుకొని షార్ట్ సర్క్యూట్ కారణంగా కాలిపోయిన ఇల్లును పరిశీలించారు ఈ సంఘటనతో కుటుంబం తీవ్రంగా నష్టపోయిందని, ప్రభుత్వం తరఫున ఆ కుటుంబాన్ని ఆదుకోవాలని సిపిఎం పార్టీ మండల కార్యదర్శి ర్యాకల శ్రీశైలం, కుటుంబ సభ్యులు, గ్రామస్థులు కోరుతున్నారు.