అమరజ్యోతి ప్రాంగణంలో మహిళలతో కలిసి బతుకమ్మ పేర్చిన మంత్రి సీతక్క

బతుకమ్మ పాటలు పాడుతూ పూల పండుగలో పాల్గొన్న మంత్రి

హైదరాబాద్: తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ వేడుకల్లో మంత్రి సీతక్క పాల్గొన్నారు. సచివాలయం సమీపంలోని అమరజ్యోతి ప్రాంగణంలో మహిళలతో కలిసి బతుకమ్మను పేర్చారు. తీరొక్క పూలతో అందంగా బతుకమ్మను సిద్ధం చేస్తూ, మహిళలతో కలిసి బతుకమ్మ పాటలు పాడారు.

అంతకుముందు ప్రజాభవన్‌లో నిర్వహించిన బతుకమ్మ వేడుకల్లోనూ సీతక్క పాల్గొన్నారు. కాంగ్రెస్ మహిళా నేతలు, సిబ్బందితో కలిసి పూల పండుగను జరుపుకున్నారు. మహిళలతో మమేకమై బతుకమ్మ వేడుకల్లో పాల్గొని సందడి చేశారు.

తెలంగాణ ఆడపడుచుల ఆత్మీయతకు, ప్రకృతితో ముడిపడిన సంప్రదాయాలకు ప్రతీకగా నిలిచే బతుకమ్మ పండుగ రాష్ట్రవ్యాప్తంగా ఉత్సాహంగా కొనసాగుతోంది.