పోలీసు అమరవీరులకు ఎమ్మెల్యే భాష్యం ప్రవీణ్ ఘన నివాళులు

శాంతిభద్రతల పరిరక్షణలో ప్రాణాలర్పించిన పోలీసుల త్యాగాలు చిరస్మరణీయం

పెదకూరపాడు | ఎన్ టుడే న్యూస్: సమాజంలో శాంతిభద్రతల పరిరక్షణ కోసం విధి నిర్వహణలో తమ ప్రాణాలను అర్పించిన పోలీసు అమరవీరుల త్యాగాలు చిరస్మరణీయమని పెదకూరపాడు నియోజకవర్గ ఎమ్మెల్యే భాష్యం ప్రవీణ్ అన్నారు.

పోలీసు అమరవీరుల సంస్మరణ దినోత్సవం సందర్భంగా అమరులైన పోలీసులకు ఆయన ఘన నివాళులు అర్పించారు. ప్రజల రక్షణ, సమాజంలో శాంతిభద్రతల స్థాపన కోసం పోలీసులు అందిస్తున్న సేవలు ప్రశంసనీయమని పేర్కొన్నారు.

దేశం, ప్రజల భద్రత కోసం ప్రాణాలను సైతం లెక్కచేయకుండా విధులు నిర్వహించిన పోలీసు అమరవీరుల త్యాగాలను ప్రతి ఒక్కరూ స్మరించుకోవాలని భాష్యం ప్రవీణ్ పిలుపునిచ్చారు.