తొర్రూరులో జమ్మి పూజల్లో పాల్గొన్న ఎమ్మెల్యే యశస్విని రెడ్డి

14వ వార్డు, శ్రీకృష్ణ మందిరంలో ప్రత్యేక పూజలు
పాలకుర్తి నియోజకవర్గ ప్రజలకు విజయదశమి శుభాకాంక్షలు
ప్రజలందరికీ సుఖసంతోషాలు కలగాలి

తొర్రూరు | ఎన్ టుడే న్యూస్: విజయదశమి పండుగను పురస్కరించుకుని తొర్రూరు పట్టణంలోని 14వ వార్డుతో పాటు శ్రీకృష్ణ మందిరంలో నిర్వహించిన జమ్మి పూజ కార్యక్రమాల్లో పాలకుర్తి ఎమ్మెల్యే మామిడాల యశస్విని రెడ్డి పాల్గొని ప్రత్యేక పూజలు నిర్వహించారు.

సంప్రదాయబద్ధంగా నిర్వహించిన జమ్మి పూజల్లో పాల్గొన్న ఆమె స్వామివారి ఆశీస్సులు పొందారు. దసరా పండుగ విజయానికి, శుభానికి ప్రతీకగా నిలుస్తుందని ఈ సందర్భంగా పేర్కొన్నారు.

పాలకుర్తి నియోజకవర్గ ప్రజలందరూ సుఖసంతోషాలతో, ఆయురారోగ్యాలతో ఉండాలని ఎమ్మెల్యే ఆకాంక్షించారు. ప్రతి కుటుంబంలో ఆనందం, శాంతి, సిరిసంపదలు వెల్లివిరియాలని, ప్రజలందరి జీవితాల్లో విజయదశమి కొత్త ఆశలు, విజయాలు తీసుకురావాలని కోరుకుంటూ పండుగ శుభాకాంక్షలు తెలిపారు.