పులివెందుల పోలీసుల తీరుపై ఎంపీ అవినాష్ రెడ్డి ఆగ్రహం
ఆంధ్రప్రదేశ్
/
వైఎస్ఆర్ కడప
- డీఎస్పీపై తీవ్ర వ్యాఖ్యలు చేసిన వైసీపీ ఎంపీ
- నామినేషన్ల సమయంలో కాల్పులు, ఆస్తుల ధ్వంసంపై ఆరోపణలు
- నామినేషన్ల సమయంలో కాల్పులు జరిపారని ఆరోపణ
పులివెందుల | ఎన్ టుడే న్యూస్: పులివెందుల పోలీసుల పనితీరుపై వైఎస్సార్‌సీపీ ఎంపీ వైఎస్ అవినాష్ రెడ్డి తీవ్ర ఆగ్రహం వ్యక్తం చేశారు. పోలీసుల విధి నిర్వహణ తీరును ప్రశ్నిస్తూ డీఎస్పీపై ఘాటు వ్యాఖ్యలు చేశారు.
“ఒక్క వారం రోజులైనా నిజాయితీగా విధులు నిర్వహించండి. పులివెందులలో ఉన్నంత చెత్త పోలీసింగ్ దేశంలో ఎక్కడా లేదు” అంటూ పోలీసుల తీరుపై విమర్శలు చేసినట్లు సమాచారం.
తమ పార్టీ అభ్యర్థులు నామినేషన్లు దాఖలు చేసేందుకు వచ్చిన సమయంలో కాల్పులు జరిపారని అవినాష్ రెడ్డి ఆరోపించారు. టీడీపీ నాయకులు తమ పార్టీకి చెందిన వారి ఆస్తులను ధ్వంసం చేస్తున్నా పోలీసులు పట్టించుకోవడం లేదని విమర్శించారు.
పోలీసులు నిష్పక్షపాతంగా వ్యవహరించాలని, ఎన్నికల సమయంలో అన్ని పార్టీల అభ్యర్థులకు సమాన అవకాశాలు కల్పించాలని ఆయన డిమాండ్ చేశారు. ఈ ఆరోపణలపై పోలీసు శాఖ స్పందన తెలియాల్సి ఉంది.
