రావణ దహన కార్యక్రమానికి ఎంపీ ఈటల రాజేందర్‌కు ఆహ్వానం
వివేకానంద నగర్ బస్‌స్టాప్ వద్ద అక్టోబర్ 20న దసరా వేడుకలు
హైదరాబాద్, అక్టోబర్ 19: దేవీ శరన్నవరాత్రి ఉత్సవాల్లో భాగంగా వీర్ సావర్కర్ యువజన మంచ్ ఆధ్వర్యంలో అక్టోబర్ 20న సాయంత్రం 6 గంటలకు వివేకానంద నగర్ బస్‌స్టాప్ వద్ద నిర్వహించనున్న రావణ దహన కార్యక్రమానికి ముఖ్య అతిథిగా హాజరుకావాలని మల్కాజ్‌గిరి ఎంపీ ఈటల రాజేందర్‌ను ఆహ్వానించారు.
వీర్ సావర్కర్ యువజన మంచ్ వ్యవస్థాపకుడు, గడ్డిఅన్నారం డివిజన్ మాజీ కార్పొరేటర్ బద్దం ప్రేమ్ మహేశ్వర్ రెడ్డి సోమవారం ఉదయం ఈటల రాజేందర్ నివాసానికి వెళ్లి మర్యాదపూర్వకంగా కలిసి కార్యక్రమానికి ఆహ్వానించారు. ఈ సందర్భంగా ఎంపీకి దసరా పండుగ శుభాకాంక్షలు తెలిపారు.
ప్రతి సంవత్సరం వీర్ సావర్కర్ యువజన మంచ్ ఆధ్వర్యంలో దసరా వేడుకల్లో భాగంగా రావణ దహన కార్యక్రమాన్ని నిర్వహిస్తున్నామని బద్దం ప్రేమ్ మహేశ్వర్ రెడ్డి తెలిపారు. ఈ ఏడాది కూడా కార్యక్రమాన్ని ఘనంగా నిర్వహించేందుకు ఏర్పాట్లు చేస్తున్నట్లు పేర్కొన్నారు.
ఈ కార్యక్రమంలో గడ్డిఅన్నారం డివిజన్ బీజేపీ అధ్యక్షుడు దాసరి జయప్రకాష్, బీజేపీ నాయకులు సతీష్ చారీ, టింకు, వంశీ గంగపుత్ర, పవన్ తదితరులు పాల్గొన్నారు.
