నేడు మార్కాపురం జిల్లాలో సీఎం చంద్రబాబు పర్యటన
నేడు మార్కాపురం జిల్లాలో సీఎం చంద్రబాబు పర్యటన
వెలిగొండ ప్రాజెక్ట్ ఫేజ్-1 ప్రారంభం.. నల్లమలసాగర్కు కృష్ణా జలాల విడుదల
మార్కాపురం జిల్లా | Ntoday News
మార్కాపురం జిల్లాలో ముఖ్యమంత్రి నారా చంద్రబాబు నాయుడు నేడు పర్యటించనున్నారు. సీఎం పర్యటనలో భాగంగా ప్రతిష్టాత్మకమైన వెలిగొండ ప్రాజెక్ట్ ఫేజ్-1ను ప్రారంభించనున్నారు.
ఈ సందర్భంగా కృష్ణా జలాలకు జలహారతి కార్యక్రమం నిర్వహించడంతో పాటు వెలిగొండ ప్రాజెక్ట్కు సంబంధించిన పైలాన్ను సీఎం చంద్రబాబు ఆవిష్కరించనున్నారు. అనంతరం నల్లమలసాగర్కు కృష్ణా జలాలను విడుదల చేయనున్నారు.
వెలిగొండ ప్రాజెక్ట్ ద్వారా ప్రకాశం, నెల్లూరు, కడప జిల్లాల్లోని మెట్ట ప్రాంతాలకు సాగు, తాగునీటి అవసరాలను తీర్చేందుకు మరింత ఊతం లభించనుంది. ప్రాజెక్ట్ ప్రారంభంతో ఈ ప్రాంత రైతులు, ప్రజల్లో ఆశలు నెలకొన్నాయి.
ప్రాజెక్ట్ ప్రారంభోత్సవ కార్యక్రమాల అనంతరం సీఎం చంద్రబాబు భారీ బహిరంగ సభలో పాల్గొని ప్రజలను ఉద్దేశించి ప్రసంగించనున్నారు. సీఎం పర్యటన నేపథ్యంలో అధికారులు, పోలీసు యంత్రాంగం విస్తృత ఏర్పాట్లు చేపట్టారు.
