పెనుగొలనులో లోకం సుభిక్షంగా ఉండాలని నగర సంకీర్తన

ఎన్టీఆర్ జిల్లా తిరువూరు నియోజకవర్గం గంపలగూడెం మండలం పెనుగొలను గ్రామంలో ఆదివారం సత్యసాయి సేవా కమిటీ ఆధ్వర్యంలో లోకం సుభిక్షంగా ఉండాలని ఆకాంక్షిస్తూ నగర సంకీర్తన నిర్వహించారు. శివాలయ ప్రాంగణంలోని షిరిడీ సాయిబాబా మందిరం నుంచి ప్రారంభమైన నగర సంకీర్తన రేడియో రూము, వాటర్ ట్యాంక్ రోడ్డు, బస్టాండ్, బొడ్రాయి సెంటర్, రామాలయం మీదుగా కొనసాగింది. భక్తులు ‘ఓం సాయి, శ్రీ సాయి, జయజయ సాయి’ నామాలతో పాటు గోవింద నామాలను పారాయణం చేస్తూ భక్తిశ్రద్ధలతో నగర సంకీర్తనలో పాల్గొన్నారు. సత్యసాయి సేవా కమిటీ సభ్యులు సుగ్గల హనుమంతరావు, పారేపల్లి కృష్ణారావు, సుగ్గల విష్ణు, పాశం వెంకటేశ్వర్లు తదితరులు పాల్గొన్నారు.

బొడ్రాయి సెంటర్‌లో హనుమాన్ చాలీసా పారాయణం

పెనుగొలను గ్రామంలోని బొడ్రాయి సెంటర్‌లో ఉన్న ఏకశిలా అభయాంజనేయ స్వామి విగ్రహం వద్ద హనుమాన్ చాలీసా పారాయణం, భజన కార్యక్రమాలు నిర్వహించారు. అనంతరం స్వామివారికి వివిధ ప్రసాదాలను నివేదించి భక్తులకు పంపిణీ చేశారు. ఈ కార్యక్రమ ఏర్పాట్లను కోట దాసు, పసుమర్తి లక్ష్మణరావు తదితరులు పర్యవేక్షించారు.