చండూరు మార్కెట్ కమిటీ డైరెక్టర్‌గా పర్సబోయిన నరసింహ

నియామకంపై మండల కాంగ్రెస్ నాయకులు, కార్యకర్తల హర్షం

యాదాద్రి (ఎన్ టుడే న్యూస్): యాదాద్రి భువనగిరి జిల్లా, సంస్థాన్ నారాయణపురం మండలం చిల్లాపురం గ్రామానికి చెందిన పర్సబోయిన నరసింహ చండూరు మార్కెట్ కమిటీ డైరెక్టర్‌గా నియమితులయ్యారు. ఈ సందర్భంగా మండల కాంగ్రెస్ నాయకులు, కార్యకర్తలు, గ్రామస్తులు హర్షం వ్యక్తం చేస్తూ నరసింహకు అభినందనలు తెలిపారు.

తన నియామకానికి సహకరించిన మునుగోడు ఎమ్మెల్యే కోమటిరెడ్డి రాజగోపాల్‌రెడ్డికి పర్సబోయిన నరసింహ కృతజ్ఞతలు తెలియజేశారు. తనకు అప్పగించిన బాధ్యతలను సమర్థవంతంగా నిర్వహిస్తూ రైతులు, ప్రజల సమస్యల పరిష్కారానికి కృషి చేస్తానని తెలిపారు.