ట్రంప్‌కు నెతన్యాహు కృతజ్ఞతలు.. ఇజ్రాయెల్‌కు మీరే గొప్ప మిత్రుడు!
అంతర్జాతీయం
అంతర్జాతీయం
Seetha Kiran Kumar
హన్మకొండ మండలం
ఇరాన్‌కు అణ్వాయుధాలు అందకుండా కలిసి పనిచేస్తామని వ్యాఖ్య.. ఈ నెల 27న నెస్సెట్ ఎన్నికలు
ఇజ్రాయెల్ ఎన్నికల వేళ తనకు మద్దతు తెలిపిన అమెరికా అధ్యక్షుడు డొనాల్డ్ ట్రంప్‌కు ఇజ్రాయెల్ ప్రధాని బెంజమిన్ నెతన్యాహు కృతజ్ఞతలు తెలిపారు. ఈ సందర్భంగా ఆయన ఓ వీడియోను విడుదల చేశారు. వైట్‌హౌస్‌లో ఇజ్రాయెల్‌కు ట్రంప్ కంటే గొప్ప మిత్రుడు ఎవరూ లేరని నెతన్యాహు వ్యాఖ్యానించారు.
“వైట్‌హౌస్‌లో ఇజ్రాయెల్‌కు మీ కంటే గొప్ప మిత్రుడు ఎప్పుడూ లేరు. మనం కలిసి ఉంటే ఇరాన్ చేతికి ఎప్పటికీ అణ్వాయుధాలు చిక్కవు. మీ స్పష్టతకు, ధైర్యానికి, గొప్ప మద్దతుకు ధన్యవాదాలు” అని నెతన్యాహు తన వీడియో సందేశంలో పేర్కొన్నారు.
ఇజ్రాయెల్ పార్లమెంట్ అయిన నెస్సెట్‌లోని 120 స్థానాలకు ఈ నెల 27న ఎన్నికలు జరగనున్నాయి. ఈ ఎన్నికల నేపథ్యంలో ట్రంప్‌కు నెతన్యాహు కృతజ్ఞతలు తెలపడం ప్రాధాన్యం సంతరించుకుంది.
