NIMSలో బెడ్ ఖాళీ ఉందా? ముందుగా కాల్ చేసి తెలుసుకోండి
తెలంగాణ
Davu Ravinder Reddy
Ghatkesar Mandal Reporter
వైద్యం, బెడ్ అవైలబిలిటీతో పాటు గుండె, కాలేయం, ఊపిరితిత్తుల వ్యాధులపై సమాచారం
హైదరాబాద్ | Ntoday News
రాష్ట్రంలోని వివిధ ప్రాంతాల నుంచి పెద్ద సంఖ్యలో ప్రజలు పంజాగుట్టలోని NIMS ఆస్పత్రికి వైద్యం కోసం వస్తుంటారు. దీంతో కొన్ని సందర్భాల్లో ఆస్పత్రిలో బెడ్లు అందుబాటులో లేక ఇబ్బందులు ఎదురయ్యే అవకాశం ఉంటుంది.
అయితే ఆస్పత్రికి వచ్చే ముందు బెడ్ అవైలబిలిటీ, వైద్య సేవలు, ప్రస్తుత పరిస్థితులపై ఫోన్ ద్వారా సమాచారం తెలుసుకునే అవకాశం ఉందని వైద్యులు తెలిపారు.
వివరాల కోసం 040-23489000, 040-23489025 నంబర్లకు ఫోన్ చేసి ఆస్పత్రిలో ప్రస్తుతం ఉన్న వైద్య సేవలు, బెడ్ లభ్యత తదితర వివరాలను తెలుసుకోవచ్చని సూచించారు.
అదేవిధంగా గుండె, కాలేయం, ఊపిరితిత్తులకు సంబంధించిన వ్యాధులపై వైద్య సమాచారాన్ని కూడా ఫోన్ ద్వారా తెలుసుకునే అవకాశం ఉందని తెలిపారు. అత్యవసర పరిస్థితుల్లో మాత్రం సంబంధిత వైద్య సేవలను నేరుగా సంప్రదించాలని సూచించారు.
