వృద్ధుడితో ట్రాఫిక్ పోలీసు అధికారి తీరుపై అభ్యంతరం

విచారణ జరిపి తగిన చర్యలు తీసుకోవాలని కుమారుడి విజ్ఞప్తి

సికింద్రాబాద్ | ఎన్ టుడే న్యూస్‌:

సికింద్రాబాద్‌లోని మెట్టుగూడ చౌరస్తా వద్ద 74 ఏళ్ల వృద్ధుడితో ట్రాఫిక్ పోలీస్ ఏఆర్ ఏఎస్ఐ  మాట్లాడిన తీరు అభ్యంతరకరంగా ఉందని వృద్ధుడి కుమారుడు ఆవేదన వ్యక్తం చేశారు.

విధుల్లో ఉన్న పోలీసు అధికారులు ప్రజలతో, ముఖ్యంగా వృద్ధులతో గౌరవంగా వ్యవహరించాలని ఆయన కోరారు. ప్రజలకు సేవలందించాల్సిన అధికారులు మర్యాదపూర్వకంగా మాట్లాడాలని పేర్కొన్నారు.

ఈ ఘటనపై ఉన్నతాధికారులు స్పందించి, జరిగిన విషయాలపై విచారణ జరిపించాలని వృద్ధుడి కుమారుడు విజ్ఞప్తి చేశారు. విచారణలో వాస్తవాలు తేలిన తర్వాత నిబంధనల ప్రకారం తగిన చర్యలు తీసుకోవాలని కోరారు.