పోలీసు అభ్యర్థులకు శుభవార్త

పోలీసు ఉద్యోగాల దరఖాస్తు గడువు మరో వారం పొడిగింపు

Ntoday News తెలంగాణ బ్యూరో : రాష్ట్రంలో పోలీసు ఉద్యోగాల భర్తీ ఆన్లైన్ దరఖాస్తుల గడువును పీఆర్బీ పొడిగించింది. ఈ నెల 9తో గడువు ముగియనుండగా.. మరో వారం పొడిగించి ఈ నెల 16వరకు అప్లయ్ చేసుకునే అవకాశం కల్పిస్తున్నట్టు బోర్డు చైర్మన్ వీవీ శ్రీనివాసరావు ఒక ప్రకటనలో వెల్లడించారు. రాష్ట్రవ్యాప్తంగా ఇప్పటి వరకు 3,38,336 మంది అభ్యర్థులు రిజిస్టర్ చేసుకున్నారు. ఈ సారి ఎస్పీఎఫ్, ఫైర్ సర్వీసెస్ విభాగాల్లో తొలిసారిగా మహిళలకు 33.3 శాతం రిజర్వేషన్లు కల్పించారు. అలాగే ఎస్సీ అభ్యర్థులకు గ్రూప్స్ తరహాలో రిజర్వేషన్ల వర్గీకరణను పోలీసు నియామకాల్లో తొలిసారిగా అమలు చేస్తున్నారు. గడువును 16 వరకు పొడిగించిన నేపథ్యంలో అభ్యర్థులు ఆఖరి రోజు వరకు వేచి చూడకుండా సాధ్యమైనంత త్వరగా అప్లయ్ చేసుకోవాలని వీవీ శ్రీనివాస రావు పేర్కొన్నారు.