పోతనపల్లి గ్రామంలో నాటు సారా వ్యాపారం పై సోదాలు

పోతనపల్లి గ్రామంలో నాటు సారా వ్యాపారం పై సోదాలు: 100 లీటర్ల బెల్లపు ఊట నాశనం

నూజివీడు ప్రొహిబిషన్ మరియు ఎక్సైజ్ స్టేషన్ పరిధిలో ఏలూరు జిల్లా డిప్యూటీ కమిషనర్ ఆఫ్ ప్రొహిబిషన్ మరియు ఎక్సైజ్ బి. శ్రీలత, ఏలూరు జిల్లా అసిస్టెంట్ కమిషనర్ ఆఫ్ ప్రొహిబిషన్ మరియు ఎక్సైజ్ కే. నాగప్రభు కుమార్, ఏలూరు జిల్లా డిస్టిక్ ప్రొహిబిషన్ మరియు ఎక్సైజ్ ఆఫీసర్ ఎ. అవులయ్య ఆదేశాల మేరకు నాటు సారా రహిత ఆంధ్రప్రదేశ్ కోసం ప్రభుత్వం ప్రవేశ పెట్టిన నూతన కార్యక్రమం నవోదయం 2.0లో భాగంగా చాట్రాయి మండలం పోతనపల్లి పెద్దతండా గ్రామంలో దాడులు చేసి సారా తయారికి సిద్ధంగా ఉంచిన 100 లీటర్ల బెల్లపు ఊటను నాశనం చేసి, 02 లీటర్ల నాటు సారాను స్వాధీనం చేసుకున్నారు. ఈ మేరకు చాట్రాయి మండలం పోతనపల్లి చిన్నతండా గ్రామానికి చెందిన బనవతు హంస్లి భర్త బద్దు అనే వ్యక్తిపై కేసు నమోదు చేసినట్లు ఎక్సైజ్ ఇన్స్పెక్టర్ ఏ. మస్తానయ్య తెలిపారు. అలాగే, నూజివీడు, ముసునూరు, చాట్రాయి మండలాల్లో బెల్ట్ షాపులు నిర్వహించే వారు నాటు సారా తయారీకి సప్లై చేసే బెల్లపు ఊట కలిగి ఉన్న భూ యజమానులపై కూడా కేసులు నమోదు చేస్తామని ఎక్సైజ్ ఇన్స్పెక్టర్ తెలిపారు. సమాచారాన్ని గోప్యంగా ఉంచుతూ, ఎక్సైజ్ ఇన్స్పెక్టర్ ఫోన్ నెంబర్ 9440902462కు సమాచారం ఇవ్వాలని కోరారు.