వైఎస్సార్‌సీపీలో చేరిన పాఠంశెట్టి సూర్యచంద్ర, శ్రీదేవి
వైఎస్ జగన్ సమక్షంలో పార్టీ కండువాలు కప్పుకున్న దంపతులు, అనుచరులు
జగ్గంపేట రాజకీయాల్లో కీలక పరిణామం
తాడేపల్లి | ఎన్ టుడే న్యూస్: కాకినాడ జిల్లా జగ్గంపేట నియోజకవర్గానికి చెందిన పాఠంశెట్టి సూర్యచంద్ర, ఆయన సతీమణి శ్రీదేవి, వారి ముఖ్య అనుచరులు వైఎస్సార్ కాంగ్రెస్ పార్టీలో చేరారు. తాడేపల్లిలోని వైఎస్సార్‌సీపీ కేంద్ర కార్యాలయంలో మాజీ ముఖ్యమంత్రి, పార్టీ అధ్యక్షుడు వైఎస్ జగన్ సమక్షంలో ఈ చేరికలు జరిగాయి.
ఈ సందర్భంగా వైఎస్ జగన్ వారికి పార్టీ కండువాలు కప్పి సాదరంగా పార్టీలోకి ఆహ్వానించారు.
జగ్గంపేట రాజకీయాల్లో గుర్తింపు
పాఠంశెట్టి సూర్యచంద్ర జగ్గంపేట నియోజకవర్గ రాజకీయాల్లో తనకంటూ ప్రత్యేక గుర్తింపు సంపాదించారు. ఆయన మూడుసార్లు బూరుగుపూడి గ్రామ సర్పంచ్‌గా పనిచేశారు. 2019 అసెంబ్లీ ఎన్నికల్లో జనసేన పార్టీ అభ్యర్థిగా, 2024 ఎన్నికల్లో స్వతంత్ర అభ్యర్థిగా జగ్గంపేట నియోజకవర్గం నుంచి పోటీ చేసి గణనీయమైన ఓట్లు సాధించారు.
తాజాగా ఆయన తన సతీమణి, ముఖ్య అనుచరులతో కలిసి వైఎస్సార్‌సీపీలో చేరడం జగ్గంపేట నియోజకవర్గ రాజకీయాల్లో ప్రాధాన్యం సంతరించుకుంది.
కార్యక్రమంలో పాల్గొన్న నాయకులు
ఈ కార్యక్రమంలో మాజీ ఎంపీ తోట నరసింహంతో పాటు పలువురు వైఎస్సార్‌సీపీ నాయకులు పాల్గొన్నారు.
