నామినేషన్ల పరిశీలన సందర్భంగా పోలీస్ బందోబస్తు పర్యవేక్షణ

ఘంటసాల: స్థానిక సంస్థల ఎన్నికల్లో భాగంగా ఘంటసాల మండల పరిషత్ కార్యాలయంలో జరుగుతున్న నామినేషన్ల పరిశీలన సందర్భంగా ఎలాంటి అవాంఛనీయ ఘటనలు చోటుచేసుకోకుండా పోలీసులు పటిష్ఠ బందోబస్తు ఏర్పాటు చేశారు. శనివారం స్పెషల్ పార్టీ సిబ్బందితో పాటు స్థానిక పోలీస్ స్టేషన్ సిబ్బంది బందోబస్తు విధులు నిర్వహించారు. ఈ సందర్భంగా మచిలీపట్నం సీసీఎస్ సీఐ కేవీఎస్వీ ప్రసాద్, ఘంటసాల ఎస్ఐ వేమన చందనతో కలిసి బందోబస్తు ఏర్పాట్లను పర్యవేక్షించారు. విధుల్లో ఉన్న పోలీసు సిబ్బందికి పలు సూచనలు, సలహాలు అందించారు. ఎన్నికల ప్రక్రియ ప్రశాంతంగా, ఎలాంటి అవాంఛనీయ ఘటనలు చోటుచేసుకోకుండా అప్రమత్తంగా విధులు నిర్వహించాలని సూచించారు. ఈ కార్యక్రమంలో పోలీస్ స్టేషన్ సిబ్బంది, స్పెషల్ పార్టీ పోలీసులు పాల్గొన్నారు.