జడ్పీ చైర్మన్ అభ్యర్థిగా మాగంటి పద్మావల్లిదేవి నామినేషన్‌కు ర్యాలీగా పయనం
ఆంధ్రప్రదేశ్
/
ఏలూరు
గడ్డం జగన్మోహన్ రెడ్డి
ఆంధ్రప్రదేశ్ స్టేట్ బ్యూరో
- ఏలూరు జడ్పీ చైర్మన్ పదవికి మాగంటి పద్మావల్లిదేవి నామినేషన్
- మాజీ మంత్రి మాగంటి బాబుతో కలిసి జడ్పీ కార్యాలయానికి చేరిక..
- శుభాకాంక్షలు తెలిపిన ఎమ్మెల్యే బడేటి చంటి
ఏలూరు (ఎన్‌ టుడే న్యూస్‌): ఏలూరు జిల్లా పరిషత్ చైర్మన్ పదవికి ఆశావహ అభ్యర్థిగా మాగంటి పద్మావల్లిదేవి నామినేషన్ దాఖలు చేసేందుకు బయలుదేరారు. మాజీ మంత్రి మాగంటి వెంకటేశ్వరరావు (బాబు)తో కలిసి ఆమె కార్ల ర్యాలీగా జడ్పీ కార్యాలయానికి చేరుకున్నారు.
ఈ సందర్భంగా జిల్లా టీడీపీ అధ్యక్షుడు, ఎమ్మెల్యే బడేటి రాధాకృష్ణయ్య (చంటి) పద్మావల్లిదేవికి శుభాకాంక్షలు తెలిపారు. పలువురు సీనియర్ నాయకులు, పార్టీ నేతలు, కార్యకర్తలు పెద్ద సంఖ్యలో ఈ కార్యక్రమంలో పాల్గొన్నారు.
కార్ల ర్యాలీతో జడ్పీ కార్యాలయం వద్ద సందడి నెలకొంది. పద్మావల్లిదేవి నామినేషన్ కార్యక్రమానికి పార్టీ శ్రేణులు తరలిరావడంతో రాజకీయ వాతావరణం ఉత్సాహంగా కనిపించింది.
