రాహుల్, ప్రియాంక అరెస్టులకు నిరసన.. సంగారెడ్డిలో జగ్గారెడ్డి అరెస్ట్

రాహుల్, ప్రియాంక అరెస్టులకు నిరసన.. సంగారెడ్డిలో జగ్గారెడ్డి అరెస్ట్

సంగారెడ్డి: ఢిల్లీలో కాంగ్రెస్ అగ్రనేతలు రాహుల్ గాంధీ, ప్రియాంక గాంధీల అరెస్టును ఖండిస్తూ సంగారెడ్డిలో కాంగ్రెస్ నాయకుడు జగ్గారెడ్డి జాతీయ రహదారి-65పై నిరసన చేపట్టారు.

నిరసనలో భాగంగా రోడ్డుపై టైర్లకు నిప్పంటించి ఆందోళన నిర్వహించారు. దీంతో హైదరాబాద్–ముంబై జాతీయ రహదారిపై ఇరువైపులా భారీగా ట్రాఫిక్ నిలిచిపోయింది. సమాచారం అందుకున్న పోలీసులు పెద్ద సంఖ్యలో ఘటనాస్థలికి చేరుకుని పరిస్థితిని అదుపులోకి తీసుకువచ్చారు.

ఈ సందర్భంగా జగ్గారెడ్డి, పోలీసుల మధ్య వాగ్వాదం చోటుచేసుకుంది. అనంతరం పోలీసులు జగ్గారెడ్డిని అదుపులోకి తీసుకుని అరెస్ట్ చేశారు. దీంతో ఆ ప్రాంతంలో కొంతసేపు ఉద్రిక్త పరిస్థితులు నెలకొన్నాయి.