రేవంత్ రెడ్డికి కొండా సుష్మిత సవాల్
వరంగల్ | Ntoday News
తెలంగాణ రాజకీయాల్లో మరోసారి విమర్శలు, ప్రతివిమర్శలు వేడెక్కాయి. ముఖ్యమంత్రి రేవంత్ రెడ్డిని ఉద్దేశించి కొండా సుష్మిత తీవ్ర వ్యాఖ్యలు చేశారు. తన తల్లిపై చర్యలు తీసుకోవడాన్ని ఆమె తప్పుబట్టారు.
“రేవంత్ రెడ్డికి దమ్ముంటే నా తల్లికి పోటీగా నిలబడాలి” అంటూ సవాల్ విసిరారు. తాను చేసిన వ్యాఖ్యలు వ్యక్తిగతమైనవేనని, వాటికి తన తల్లిపై చర్యలు తీసుకోవడం సరికాదని అన్నారు.
రేవంత్ రెడ్డి కుటుంబం అవినీతికి సంబంధించిన అంశాలపై తాను మాట్లాడానని, అంతేతప్ప కాంగ్రెస్ పార్టీని విమర్శించినట్లు భావించకూడదని సుష్మిత పేర్కొన్నారు.
తన తల్లిపై చర్యలు తీసుకున్న తీరును చూసి బాధ కలిగిందని ఆమె అన్నారు. ఈ విషయంలో రేవంత్ రెడ్డిని తాను శపిస్తున్నానంటూ తీవ్ర ఆవేదన వ్యక్తం చేశారు.
కాగా, కొండా సుష్మిత చేసిన ఈ వ్యాఖ్యలు తెలంగాణ రాజకీయ వర్గాల్లో చర్చనీయాంశంగా మారాయి.
– కొండా సుష్మిత
