రంగాపురం ఎంపీటీసీ స్థానం ఏకగ్రీవం ఏలూరు జిల్లాలో టీడీపీ విజయాల బోణీ

• రంగాపురం ఎంపీటీసీ స్థానం టీడీపీ ఖాతాలోకి..
• బొంతు కృపాజ్యోతి ఏకగ్రీవం!
• లింగపాలెం మండలంలో టీడీపీ విజయాల బోణీ..
• నామినేషన్లు ఉపసంహరించుకున్న వైసీపీ అభ్యర్థులు

ఏలూరు జిల్లా (ఎన్‌ టుడే న్యూస్‌): ఏలూరు జిల్లా లింగపాలెం మండలంలో తెలుగుదేశం పార్టీ విజయాల బోణీ కొట్టింది. మండల పరిధిలోని రంగాపురం ఎంపీటీసీ స్థానాన్ని ఎన్డీఏ కూటమి తరఫున పోటీ చేసిన టీడీపీ అభ్యర్థి బొంతు కృపాజ్యోతి ఏకగ్రీవంగా కైవసం చేసుకున్నారు.

రంగాపురం ఎంపీటీసీ స్థానానికి నామినేషన్లు దాఖలు చేసిన వైఎస్సార్ కాంగ్రెస్ పార్టీకి చెందిన ఇద్దరు అభ్యర్థులు తమ నామినేషన్లను ఉపసంహరించుకోవడంతో బొంతు కృపాజ్యోతి ఎన్నిక ఏకగ్రీవమైనట్లు తెలిసింది. దీంతో ఆ స్థానానికి పోటీ లేకుండా పోవడంతో ఆమె ఎన్నిక ఖరారైంది.

లింగపాలెం మండలంలో టీడీపీకి తొలి విజయం దక్కడంతో పార్టీ శ్రేణుల్లో ఆనందం వ్యక్తమవుతోంది. ఈ ఏకగ్రీవ విజయాన్ని టీడీపీ నాయకులు, కార్యకర్తలు స్వాగతిస్తున్నారు.