ట్యాంక్‌బండ్‌పై బతుకమ్మ వేడుకల్లో రష్మిక మందన్న సందడి

భర్త విజయ్ దేవరకొండతో కలిసి బతుకమ్మ ఆడిన హీరోయిన్.. తెలంగాణ కోడలిగా తొలిసారి వేడుకల్లో పాల్గొన్నానని వెల్లడి

హైదరాబాద్: ట్యాంక్‌బండ్‌పై ప్రభుత్వం అధికారికంగా నిర్వహించిన బతుకమ్మ వేడుకల్లో సినీ నటి రష్మిక మందన్న సందడి చేశారు. భర్త విజయ్ దేవరకొండతో కలిసి ఇతర మహిళలతో బతుకమ్మ ఆడారు. తెలంగాణ కోడలిగా తొలిసారి బతుకమ్మ వేడుకల్లో పాల్గొంటున్నానని ఆమె తెలిపారు.

తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగలో పాల్గొనడం ఆనందంగా ఉందని రష్మిక పేర్కొన్నారు. ఈ సందర్భంగా రాష్ట్ర ప్రజలందరికీ దసరా శుభాకాంక్షలు తెలియజేశారు.

ట్యాంక్‌బండ్‌పై నిర్వహించిన ఈ వేడుకల్లో మహిళలు సంప్రదాయ దుస్తులు ధరించి, రంగురంగుల పూలతో బతుకమ్మలను పేర్చి ఉత్సాహంగా పాల్గొన్నారు. రష్మిక మందన్న, విజయ్ దేవరకొండ హాజరు కావడంతో వేడుకలకు మరింత సందడి నెలకొంది.