ఉక్రెయిన్‌తో ఒప్పందానికి సిద్ధం: పుతిన్

ఎన్‌ టుడే న్యూస్‌: ఉక్రెయిన్‌తో ఒప్పందానికి రావచ్చని భావిస్తున్నట్లు రష్యా అధ్యక్షుడు వ్లాదిమిర్ పుతిన్ తెలిపారు. అయితే, ఒప్పందం కుదరకపోయినా తమ లక్ష్యాలను సాధించే వరకు వెనక్కి తగ్గబోమని స్పష్టం చేశారు.

“మేం ఒప్పందానికి అంగీకరిస్తాం. ఒకవేళ అది సాధ్యం కాకపోయినా ఫర్వాలేదు. ఎవరైనా మరో విధంగా జరగాలని కోరుకుంటే అలాగే జరుగుతుంది. రష్యా ప్రారంభించిన పనిని పూర్తి చేస్తుంది. ప్రత్యేక సైనిక చర్యలో నిర్దేశించుకున్న ప్రతి లక్ష్యాన్ని సాధిస్తుంది” అని పుతిన్ వ్యాఖ్యానించారు.

మరోవైపు, వచ్చే నెలలో శాంతి చర్చలు జరిపేందుకు రష్యా అంగీకరించినట్లు సమాచారం. ఈ చర్చల ద్వారా రష్యా–ఉక్రెయిన్ మధ్య కొనసాగుతున్న యుద్ధానికి ముగింపు పలికే దిశగా పురోగతి సాధిస్తారా అన్నది ఆసక్తికరంగా మారింది.