నేరళ్లపల్లిలో అభివృద్ధి పనులకు నిధులు మంజూరు చేయాలని ఎమ్మెల్యేకు వినతి

అండర్‌గ్రౌండ్ డ్రైనేజీ, సీసీ రోడ్ల నిర్మాణానికి హెచ్‌ఎండీఏ నిధులు కేటాయించాలని విజ్ఞప్తి

బాలానగర్: మండలంలోని నేరళ్లపల్లి గ్రామంలో అండర్‌గ్రౌండ్ డ్రైనేజీ, సీసీ రోడ్ల నిర్మాణ పనులకు హెచ్‌ఎండీఏ నిధులు మంజూరు చేయాలని కోరుతూ గ్రామ ప్రజాప్రతినిధులు, యువకులు, గ్రామస్థులు జడ్చర్ల ఎమ్మెల్యే అనిరుధ్ రెడ్డికి వినతిపత్రం అందజేశారు.

బాలానగర్ మండలంలోని పలు గ్రామాల్లో హెచ్‌ఎండీఏ నిధులతో వివిధ అభివృద్ధి పనులు చేపట్టి పూర్తి చేసిన నేపథ్యంలో తమ గ్రామానికి కూడా నిధులు కేటాయించాలని వారు కోరారు. నేరళ్లపల్లిలో మురుగునీటి సమస్య పరిష్కారానికి అండర్‌గ్రౌండ్ డ్రైనేజీ వ్యవస్థను ఏర్పాటు చేయడంతో పాటు, రహదారుల అభివృద్ధికి సీసీ రోడ్లు నిర్మించాల్సిన అవసరం ఉందని వివరించారు.

గ్రామంలో మౌలిక సదుపాయాల అభివృద్ధికి సహకరించి, హెచ్‌ఎండీఏ నిధుల ద్వారా పనులు మంజూరు చేయాలని ఎమ్మెల్యేను విజ్ఞప్తి చేశారు.

ఈ కార్యక్రమంలో నేరళ్లపల్లి గ్రామ సర్పంచ్, ఉపసర్పంచ్, వార్డు సభ్యులు, యువకులు, గ్రామస్థులు పాల్గొన్నారు.