పెద్దకాపర్తి ఫ్లైఓవర్ వద్ద రోడ్డు ప్రమాదం.. రెండు కిలోమీటర్ల మేర ట్రాఫిక్ జామ్

హైదరాబాద్‌–విజయవాడ జాతీయ రహదారిపై నల్గొండ జిల్లా చిట్యాల మండలం పెద్దకాపర్తి ఫ్లైఓవర్‌ వద్ద గురువారం రోడ్డు ప్రమాదం చోటుచేసుకుంది. హైదరాబాద్‌ నుంచి ఖమ్మం వెళ్తున్న కారును సూర్యాపేట డిపోకు చెందిన ఎలక్ట్రిక్‌ బస్సు వెనుక నుంచి ఢీకొట్టింది. ఈ ఘటనలో కారు ధ్వంసం కాగా, ఎవరికీ ఎలాంటి గాయాలు కాలేదు.

ప్రమాదానికి గురైన కారును రహదారిపై నుంచి పక్కకు తొలగించే క్రమంలో వాహనాల రాకపోకలకు అంతరాయం ఏర్పడింది. దీంతో జాతీయ రహదారిపై సుమారు రెండు కిలోమీటర్ల మేర వాహనాలు నిలిచిపోయి ట్రాఫిక్‌ జామ్‌ ఏర్పడింది. వాహనదారులు కొంతసేపు ఇబ్బందులు ఎదుర్కొన్నారు.